Chor viril Laax

Beinvegni

Nus essan 30 umens ed havein plascher da cantar e da presentar nossas canzuns avon in grond publicum. Nies repertori cuntegn canzuns popularas, profanas e religiusas. Nus passein si a fiastas dil vitg, natalezis, giubileums e separticipein regularmein a fiastas da cant.


Egl onn 2022 essan stai alla fiasta da cant federala a Gossau SG. Leu havein recaltgau in excellent resultat: Nota 6.

Nossas finamiras
  • Cantar en in chor viril
  • Tgirar la cumpignia
  • Embelir fiastas profanas ed ecclesiasticas
  • Separticipar a fiastas da cant

Novs cantadurs

Nus essan adina alla tscherca da novs cantadurs.
Schazegias la cumpignia denter umens ed has plascher da cantar canzuns romontschas ni en auters lungatgs? Lu eis ti il proxim cantadur dil chor viril Laax!

S’annunzia semplamein tier nies president ni tier in da nos cantadurs.
Las emprovas da cant ein mintgamai il gliendisdis dallas 20.00 uras tochen las 22.00 uras en la Sentupada. Nus havessan plascher.

Passau

Egl onn 2023 havein cantau el toc da teater dil Club da ballapei Laax (14 da fevrer). Plinavon havein cantau duront nossa "Arena Tour" el territori da skis, numnadamein si Nagens, Crap Sogn Gion, Curnius, Larnags ed il davos a Murschetg. 

Bials e biars motivs dad ussa separticipar e cantar el chor viril Laax.

Fiasta da cant Trun

Egl onn 2024 ha liug la proxima fiasta da cant sursilvana a Trun. Quella vegn organisada en connex cun las festivitads “600 onns Ligia Grischa”. Nus selegrein gia oz sin quella occurenza.

https://www.trunconta.ch/

CHOR VIRIL LAAX